مەسرور بارزانی، سەرۆكێ حكومەتا هەرێمێ ئەڤرۆ ڕۆژا سێشەمبی پێشوازی ل پێدرۆ مارتینیز ئەڤیال، بالیۆزێ شاهنشینا ئسپانیا ل عیراقێ كر كو ب هەلكەفتا ب دوماهیهاتنا ئەركێ خۆ سەرەدانا سەرۆكوەزیران كر.
لدویڤ ڕاگەهاندنەكا حكومەتا هەرێما كوردستانێ، د دیدارێ دا پێشخستنا پەیوەندییێن دوولایەنی و دوماهی گوهوڕین و پێشهاتێن عیراقێ هاتنە گوتوبێژكرن و سەرۆكێ حكومەتێ سۆپاسییا بالیۆزێ ئسپانیا كر بۆ كاركرنا وی ل پێناڤی بهێزكرنا پەیوەندییێن ئسپانیا ل گەل عیراقێ و هەرێما كوردستانێ و هیڤییا سەركەفتنێ بۆ وی د ئەركێ وی یێ نوی دا خاست. ژلایێ خۆ ڤە بالیۆزێ ئسپانیا سۆپاسی و پێزانینێن خۆ بۆ حکومەتا هەرێما کوردستانێ دەربڕین بۆ پشتەڤانی و هاریكاریكرنا وی د سەرخستنا ئەركێ وی دا.
