وەزارەتا ساخلەمییا حكومەتا هەرێما کوردستانێ د نڤیسارەكێدا ڕاگەهاند، ل بازاڕێن هەرێما کوردستانێ 31 جۆرێن ڤەخوارنێن وزەبەخش كو بێ هەبوونا نڤیسارەكا ڕێكپێدایی ژ وەزارەتا ساخلەمییا حکومەتا هەرێما کوردستانێ د بازاڕیدانە، ئەڤە ب قاچاغ بۆ بكارئینانێ دهێنە هەژمارتن.
گۆرەی ڕێنماییێن وەزارەتا ساخلەمییێ، کو دروستکرن یان هنارتنا ڤەخوارنێن وزەبەخش، پێدڤییە کارگەهـ و کۆمپانی ب ڕێكا وەزارەتا ساخلەمییێ ڕێكێ وەربگرن، بەلێ پشتی دویڤچوونا وەزارەتا ساخلەمییێ زێدەتر ژ 31 جۆرێن ڤەخوارنێ وزەبەخش هەنە و ب چ ڕەنگەكی ڕێك پێ نەهاتیەدان.
هەروەسا ڕاگەهاندنێ دیاركر، وەزارەتا ساخلەمییێ هەمی لایەنێن پەیوەندیدار ئاگەهداركرن كو دڤێت د بازاڕیدا دەست ب سەر هەمیێ دا بهێنە گرتن.
