پەیڤدارا فراکسیۆنا پارتی ل پەرلەمانێ عیراقێ دیاركر، ڤەگەڕاندنا کەسوکارێن چەکدارێن د*ا*عش ژ کەمپا هۆل ل ڕۆژئاڤایێ کوردستان ژ لایێ حكومەتا عیراقێ ڤە بۆ کەمپا جە*دعە جهێ مەترسیێ یە.
ئەڤرۆ ڕۆژا ئێكشەمبی 28-04-2024، ڤیان دەخیل، پەیڤدارا فراکسیۆنا پارتی دیموکراتی کوردستان ل پەرلەمانێ عیراقێ ڕاگەهاند، “دەمێ نێزیكی سێ سالایە حكومەتا عیراقێ دەست ب ئینانا كەسوكارێن چەكدارێن د*ا*عش ژ كەمپا هۆل ل ڕۆژئاڤایێ كوردستانێ بۆ كەمپا جە*دعە، ئەڤە مەترسییەکا مەزنە بۆ سەر ئاكنجییێن دەڤەرێ و ب تایبەت بۆ کوردێن ئێزدی”.
ڤیان دەخیل گۆت، “پێدڤییە هەردوو حکومەتێن عیراق و هەرێما کوردستانێ کار بۆ بجهئینانا ڕێككەفتنا شنگالێ بکەن، هێزێن بیانی ل باژێری بهێنە دەركرن و ئاوارە ڤەگەڕنە جهێ باب و باپیران.
