نێچيرڤان بارزانى ل گه‌ل سه‌رۆكێ جڤاتا بلندا دادوه‌ری ل عێراقێ كۆمبوو

سەرۆكێ هەرێما كوردستانێ ل گەل سەرۆكێ جڤاتا بلندا دادوەرییا عیراقێ كۆمبوو و سوپاسییا بزاڤ و رۆلێ وان یێ ئەرێنی كر د چارەسەركرنا ئاریشان دا.

نێچیرڤان بارزانی، سەرۆكێ هەرێما كوردستانێ ل بەغدا ل گەل دادوەر د. فایەق زێدان، سەرۆكێ جڤاتا بلندا داوەرییا عیراقێ كۆمبوو.

لدووڤ ڕاگەهاندنا سەرۆكاتییا هەرێما كوردستانێ، د كۆمبوونێ دا هەردو ئالییان دەربارەیی پرۆسا  سیاسی و دووماهی پێشهاتێن رەوشا عیراقێ ب گشتی، دانوستاندن ل سه‌ر چارەسەركرنا ئاریشێن حكومەتا عیراقێ و حكومەتا هەرێما كوردستانێ ل سەر بنەمایێن دەستووری كر.

هەروەسا هەردو ئالییان بەحسێ گرنگییا هاریكارییێ هەماهەنگییا زێدەتر دناڤبەرا دەستهەلاتا دادوەری ل عیراقێ هەرێما كوردستانێ، مفا وەرگرتنا لایەنێن پەیوەندیدار د وارێ دادوەرییێ هەرێما كوردستانێ دەرفەت وەرگرتن ژ شیانێن دەستەهەلاتا دادوەرییا عیراقێ؛ دوپاتی ل سەر پاراستنا ئارامی و سەقامگیری و سیاسی وەلاتان كر.

سەربەخۆیا دەستهەلاتا دادوەری، پاراستنا مافێن هەموو پێكهاتێن عیراقێ و چەندین پرسێن دی جهێ گرنگییا هەڤپشكبوو د وێ كۆمبوونێ دا.