جێگرێ سەرۆکێ لژنا شەھیدان ل پەرلەمانێ عێراقێ گۆت: ل بیره‌وه‌رییا 36 سالییا ئه‌نفالێ ل پەرلەمانێ عێراقێ دێ بەیاننامەكێ ب زمانێ کوردی خوینین و تێدا مه داواز کرییە کەسوکارێن ئەنفالکرییان بهێنه قەرەبوو کرن و کارەساتا ئەنفالێ ل سەر ئاستێ جیھانێ و نێڤدەولەتی ب جینۆساید بهێته ناساندن.
شوان کەلاری، زێده‌تر دیار كر: پشتی ده‌ربازبوونا ٣٦ سالان ب سەر پرۆسا ئەنفالێ ھێشتا کەسوکارێن شەھیدان نه‌هاتینه قەرەبوو کرن و مە داخوازا قەرەبووکرنا وان کرییە، ھەروەسا کارەساتا ئەنفالێ ل سەر ئاستێ جیھانێ و نێڤدەولەتی ب جینۆساید بهێته ناساندن، لدووڤ دەستوورێ عێراقێ ئەرکێ قەره‌بووکرنێ و ب جینۆساید ناساندنا ئەنفالێ د ستوویێ حکومەتا فیدڕالی دایه.
