ل كۆمه‌لگه‌هه‌كا ناحییا زوممار یا سنۆرێ پارێزگه‌ها نه‌ینه‌وا، ژبه‌ر ئه‌ردى ئاریشه كه‌ڤیتنه دناڤبه‌را كورد و عه‌ره‌بێن هاورده‌دا، عه‌ره‌بان ده‌ست ب سه‌ر ئه‌رد و خانییێن كورداندا گرت، پارێزگارێ نه‌ینه‌وا لژنه‌یه‌ك ل سه‌ر ڤى بابه‌تى پێكئینایه، لێ هه‌تا نوكه ئاریشه نه‌هاتییه چاره‌سه‌ركرن.
ئه‌حمه‌د جه‌عفه‌ر ڕێڤه‌به‌رێ ناحییا زوممار دبێژیت: پتریا مالێن كوردى پشتى ڕوودانێن 16ى ئوكتۆبه‌را سالا 2017ێ ده‌ڤه‌ر چۆلكرییه و نه‌ڤه‌گه‌ریاینه، عه‌ره‌بان دڤێت ده‌ست خوه بداننه سه‌ر وان خانییان، ژبلى خانییان، ئاریشه ل سه‌ر 150 دونه‌مێن زه‌ڤییانژى هه‌نه.
ئاریشه دناڤبه‌را هوزا هه‌سنیان یا كوردی و عه‌ره‌بێن هاورده‌دایه، هه‌سنیانى دبێژن: ئه‌و ئه‌رده یێ باب و باپیرێن وایه و تاپۆیێن وان هه‌نه، عه‌ره‌ب ژى دبێژن: حكومه‌تا عیراقێ ئه‌و ئیناینه ده‌ڤه‌رێ، له‌وما هه‌تا نوكه ئه‌و ئاریشه نه‌هاتییه چاره‌سه‌ركرن.
