ل شنگالێ هزار وانه‌بێژ دێ هێنه‌ دامه‌زراندن

ئاژانسا خانی:

هاریكارێ پارێزگارێ نه‌ینه‌وا دیار كر: ل قه‌زا شنگالێ و دناڤا ئاواران دا دو ئاریشه‌ ھەبوون”  ئێک ژ وان هاته‌ چارەسەرکرن” كو دامەزراندنا ھزار وانەبێژایە، یا دیتر ژی ھەلوەشاندنا نوونەراتییا پەروەردێیە ل ھەرێمێ کو دێ ئاریشه‌كا مه‌زن بۆ ئاواران دروست كه‌ت، ئه‌م وه‌كو فراکسیۆنا پارتی بەردەوام ل سەر خەتین ژ بۆ چاره‌سه‌ركرنا ئاریشێن خه‌لكێ خۆ.

رەفعەت سمۆ، زێده‌تر بۆ ئاژانسا خانی دیار كر: داخستنا ھەردو نوونەراتییێن پەروەردێ ل ھەرێما کوردستانێ دێ ئاریشه‌كا مه‌زن بۆ ئاواران دروست كه‌ت، چونکی نوكه‌ ل کەمپێن دهۆکێ 200 ھزار ئاوارە ھەنە و ئه‌و ئاواره‌ د به‌رهه‌ڤ نینن ڤه‌گەرنه‌ڤه‌ سه‌ر جهـ و وارێن خۆ، چونکی هه‌تا نوكه‌ ده‌ڤه‌رێن وان نه‌هاتینه‌ ئاڤاكرن و ده‌ڤه‌رێن وان نه‌ د ئارامن، له‌وما ئه‌و بریارا حكومه‌تا عیراقێ دایی” دێ ئاریشه‌كا مه‌زن بۆ قوتابیان دروست كه‌ت، دیسان هه‌تا نوكه‌ شنگال نەهاتییه‌ ئاڤەدان کرن و ژبه‌ر هه‌بوونا گرۆپێن چه‌كداران ئێمناهی لێ نینه‌، د هه‌مان ده‌مدا وەزارەتا کۆچ و کۆچبەرێن عیراقێ ئەو بڕیارە بێی دیراسەتکرن دایە و پەرلەمانتارێن پارتی ژی ل سه‌ر وی بابه‌تی ل سەر خەتن بۆ هندێ چارەسه‌ر بکەن.

ناڤهاتی گۆت ژی: 17 ھزار پلێن دامەزراندنێ د هەموو بیاڤان دا بۆ نه‌ینه‌وا هاتینه‌ دانان” هه‌روه‌سا ل سالا 2019 ێ هزار وانەبێژ ل شنگالێ ھەبوون كو نه‌ هاتبوونه‌ دامەزراندن” به‌لێ ب بزاڤێن په‌رله‌مانتارێن فراکسیۆنا پارتی” وه‌سا بریارە ژ وان 17 هزار کەسان ھزار پلەیان بده‌نه‌ شنگالێ و ئەو وانەبێژه‌ بهێنه‌ دامەزراندن” هه‌روه‌سا سەرۆکوەزیرێن عێراقێ رازیبوویه‌ و ئه‌وێن ماین ژی كو ھزار کەسن گرێبه‌ستێن وان چێكه‌ن بۆ ده‌مێ سێ سالان و پاشی دێ کار کەین بۆ هندێ ببنه‌ فەرمی، هه‌روه‌سا ژ وان 17 هزار گرێبه‌ستێن بۆ نه‌ینه‌وا هاتین” ھەشت ھزاردێ بۆ كه‌رتێ پەروەردێ بن.