ئینتیفاز قه‌نبه‌ر: حكومه‌تا عێراقێ 9 ملیار دۆلارێن هه‌رێما كوردستانێ نه‌داینه‌‌

سه‌رۆكێ سازییا موسته‌قبه‌ل ل ئه‌مریكا ئاشكرا كر” پێدڤی بوو حكومه‌تا عیراقێ 9 ملیار دۆلار ل سالا بوری، وه‌كو مافێ هه‌رێما كوردستانێ دابانه‌‌‌‌‌‌، به‌لێ نه‌ هنارتن و جهێ وا پارا ژی نه‌مایه‌.

ئینتیفاز قه‌نبه‌ر، سیاسه‌تڤانێ عێراقی و سه‌رۆكێ سازییا موسته‌قبه‌ل ل‌ واشنتۆن، راگه‌هاند، ب به‌لگه‌ڤه‌ مه‌ گۆتییه‌‌ حكومه‌تی ئه‌مریكا ژی” كو‌ حكومه‌تا عێراقێ پشكه‌كا كێم یا بودجه‌یی بۆ هه‌رێما كوردستانێ هنارتییه‌ و ل ڤان سالێن داوییێ دا و حكومه‌تا عێراقێ، قه‌ردارا حكومه‌تا هه‌رێما كوردستانێیه،‌ ل سالا 2023 ێ دان پێدڤی بوو 9 ملیار دۆلار بۆ حكومه‌تی هه‌رێما كوردستانێ هنارتبانه‌” به‌لێ نه‌هنارتن.

گۆت ژی، ئاریشا مه‌زن د هندێ دایه‌” كو ئه‌و 9 ملیار دۆلاره‌ مافێ هه‌رێما كوردستانێ بوون و دڤێت هنارتبانه‌،‌ نه‌كو هه‌ر نه‌هنارتن، به‌لكو نوكه‌ جهێ وان پاران ژی نه‌یێ دیاره‌.

ناڤهاتی گۆت ژی، پار عێراقێ سكالا ل ‌سه‌ر توركیا تۆمار كر بۆ هندێ كوردستان نه‌فتا خۆ نه‌هنێریت، له‌وما ل ئادارا پار،‌ هه‌تاكو ئادارا 2024 ێ” ژ ئه‌گه‌ری وێ چه‌ندێ ب كوژمێ 11 ملیار دۆلاران زیان گه‌هشتینه‌ عێراقێ.