كۆمیسیۆن: هه‌تا نوكه ل دهۆكێ‌ چ هه‌ڤپه‌یمانی بۆ هه‌لبژارتنێن په‌رله‌مانێ كوردستانێ نه‌هاتینه‌ تۆماركرن

ئاژانسا خانی:

سوبەهی پێنجشەمبی 14 ی ئادارا 2024 ێ” دووماهی رۆژه بۆ تۆمارکرنا هه‌ڤپەیمانییان و داخوازكرنا بەربژاربوونێ ب شێوێ سەربەخۆ بۆ هەلبژارتنێن پەرلەمانێ کوردستانێ.

سەرۆکێ لقا دهۆکێ یێ کۆمیسیۆنا بلندا هەلبژارتنێن عێراقێ دیار كر: هه‌تا نوكه‌ ژ هه‌ڤپه‌یمانی ل پارێزگه‌ها دهۆكێ نه‌هاتینه‌ تۆماركرن بۆ هه‌لبژارتنێن په‌رله‌مانێ كوردستانێ” هه‌روه‌سا 12 به‌ربژارێن سه‌ربه‌خۆ ژی ل دهۆكێ هاتینه‌ تۆماركرن” دیسان سوبه‌هی ژی دێ خۆله‌كا راهێنانێ ڤه‌كه‌ین و ڤێ جارێ سیسته‌مێ داگرتنا فۆرما و سۆزنامێ ژلایێ پارتێن سیاسی ڤه‌ یێ ئه‌لكترۆنییه‌ و ئه‌م دێ پرۆگرامێ نوو بۆ وان شرۆڤه‌ كه‌ین و ل گه‌ل هندێ ژی ده‌م ژی بۆ تۆماركرنا هه‌ڤپه‌یمانی و به‌ربژارێن سه‌ربه‌خۆ ناهێته‌ درێژكرن.

خالد عەباس، زێده‌تر بۆ ئاژانسا خانی دبێژیت: ئه‌ڤرۆ چارشه‌مبی” دەرگەهێ خۆ تۆمارکرنێ بۆ بەربژارێن لایه‌نێن سیاسی هاتییه‌ ڤه‌كرن هەموو حزب دشێن سەره‌دانا لقێن کۆمیسیۆنێ بکه‌ن و پێدڤی و رێكارێن تۆمارکرنا لیستێن بەربژارێن خۆ وەربگرن” هه‌روه‌سا هەر لایه‌نه‌كێ پێدڤییێن خۆ ژ كۆمسیۆنێ وەربگریت، دووماهی ده‌م بۆ پرکرن و ڤه‌گەراندنا وان بۆ کۆمیسیۆنێ، دێ ل 22 ی ئادارا 2024 ێ بیت” ئەوێن دڤێن وەکو بەربژارێن سەربەخۆ هه‌ڤركییێ بکەن، دووماهی رۆژ بۆ داخوازكرنێ سوبەهی 14ی ئادارێیە.

بۆ تۆمارکرنا هه‌ڤپەیمانییان ژی سوبەهی 14 ی هه‌یڤێ دووماهی رۆژە و هه‌تا نوكه‌ چ هه‌ڤپەیمانی ژی بۆ هەلبژارتنێن پەرلەمانێ کوردستانێ نه‌هاتینه‌ تۆمار کرن.