د. ڤیان سەبری، سەرۆکا فراکسیۆنا پارتی ل جڤاتا نوونەرێن عیراقێ ڕاگەهاند، دەمێ نێزیكی دوو سالانە و ب تایبەت ل پشتی پەسەندكرنا پڕۆژەیاسایا بودجەیا گشتی یا فیدرالی ل خزیرانا سالا 2023، هەمی مافێن هەرێما کوردستانێ دهێنە پێشیلكرن، ژ وان ژی مووچەیێ فەرمانبەرێن هەرێما کوردستانێ.
د. ڤیان سەبری دیاركر ژی، دەمێ چەند هەیڤانە حكومەتا فیدرال ب هێجەتێن جودا هنارتنا مووچەیێ فەرمانبەرێن هەرێمێ پاش دئێخیت، مە هەمی داخوازییێن وان ب جهئیناینە، بەلێ هەر جار هێجەتەكا نوی دگرن.
سەرۆکا فراکسیۆنا پارتی گۆت، “ئەگەر هەمی فراکسیۆنێن کوردستانێ ل دەمێ دەنگدان ب یاسایا بودجەیا گشتی یا فیدرال بۆ هەر سێ سالێن 2023، 2024 و 2025 ئێك دەنگ بان؛ ڕەوش ب ئەڤی شێوەیێ نوكە نەدبوو”.
هەروەسا دیاركر، ئەوا نوكە ل بەرامبەر فەرمانبەرێن هەرێما كوردستانێ و شایستەیێن دارایی دهێتەكرن، هەڤدژی دەستووری، ڕێككەڤتناما سیاسی، پێكئینانا کابینەیا سوودانی و یاسایا بودجەیا گشتیی یا فیدرالێ یە.
