رێبوار تالەبانی: بزاڤ دهێنه‌ كرن ئێدی کورد نه‌مینن‌ زۆرینه‌ دناڤا سەنتەرێ کەرکووکێ دا

سەرۆکێ به‌رێ یێ جڤاتا پارێزگه‌ها کەرکووکێ گۆت: دەستهه‌لاتدارێن کەرکووکێ ب پلان مژوولی کێمکرنا کوردانه‌ و زێده‌کرنا عەرەبانه‌ دناڤا سەنتەرێ کەرکووکێ دا.

رێبوار تاله‌بانی گۆت ژی: چەندین جاران من ته‌كه‌زی ل سه‌ر هندێ كر” ئەو هێز و گرووپێن چەکداری یێن نوكه‌ ل کەرکووکێ و ده‌ڤه‌رێن دیتر یێن عێراقێ، کەرەستێن دەستێ وه‌لاته‌كێ ژ ده‌رڤه‌نه‌ و عێراقێ بخۆ سەروەری نەمایە و حکومەتا وێ نه‌شێت  ئەوان هێزان کۆنتڕۆل بکه‌ت و ئەڤ چەندە بۆ هەموو لایەنان یا رۆهنه‌.

ناڤهاتی گۆت ژی: ل گه‌ل پێكئینانا کابینا سوودانی ده‌ربارەیی 13 خالان مه‌ رێککەفتن کرییە، د چارچۆڤێ وێ رێککەفتنێ دا پێدڤییە ره‌وشا کەرکووکێ ڤه‌گەریته‌ڤە پێش روودانێن 16 ی ئۆکتۆبەرێ، بەلێ هه‌تا نوكه‌ پرانییا وان خالان نه‌هاتینه‌ بجهئینان و ره‌وشا کەرکووک هەر وەکو خۆ مایە”.