ئەڤرۆ ل 18ـی شواتا 2024ـێ، نێچیرڤان بارزانی، سەرۆكێ هەرێما كوردستانێ ل گەل كایا كالاسا، سەرۆكوەزیرێن ئیستۆنیا كۆمبوون.
د كۆمبوونێدا باس ل پەیوەندی و هاریكاریێن هەڤپشكێن ئیستۆنیا ل گەل عیراقێ و هەرێما كوردستانێ ب تایبەتی د بوارێ ئەمنیدا، رۆلێ هێزێن ئیستۆنیا د چارچۆڤێ هەڤپەیمانییا ناڤدەولەتی دژی داعشێ ل هەرێما كوردستانێ كرن و دووپات ل سەر ڕەوشا ئێمناهی و سیاسی یا عیراقی و هەرێما كوردستانێ هاتەكرن.
هەردوو لایان دووپاتی ل خواستا هەڤپشك بۆ پێشڤەبرنا پەیوەندییان د هەمی بواراندا كر، هەروەسا ب گرنگی باس ل سەرەدانا ئالار كاریس، سەرۆككۆمارێ ئیستۆنیا و شاندێ دگەلدا بۆ عیراقێ و هەرێما كوردستانێ یا هەیڤا بووری كر.
سەرۆكێ هەرێما كوردستانێ سوپاسیا ڕۆلێ هێزێن ئیستۆنیا ل هەرێما كوردستانێ كر.
هەروەسا دانوستاندن دەربارەی دووماهی پێشهاتێن ڕەوشا ئالۆز یا ڕۆژهەلاتا ناڤەراست هاتەكرن.
