جڤاتا وه‌زیرێن هه‌رێما كوردستانێ ب سه‌رپه‌رشتییا مه‌سرور بارزانى سه‌رۆكوه‌زیرێن هه‌رێمێ كۆمبوو و د ڕاگه‌هاندنه‌كێدا ل دۆر مووچه‌ى دووپاتكر، هه‌رێما كوردستانێ ب مافێ خوه دزانیت، پشتى بجهئینانا هه‌موو پابه‌ندییان، پشكا بودجه‌ى و مووچه‌ى و شایسته‌یێن وێ یێن دارایى بهێنه هنارتن.
جڤاتا وه‌زیران دووپاتكر، حكومه‌تا هه‌رێما كوردستانێ هه‌موو پابه‌ندییێن خوه به‌رامبه‌ر به‌غدا بجهئیناینه، پێدڤییه وه‌زاره‌تا داراییا فیدرالى دووماهى بریارا جڤاتا وه‌زیرێن فیدرال یا هه‌مواركرنا قانوونا بودجه‌ى ب وى شێوه‌یى په‌سه‌ند بكه‌ت، یێ ڕێككه‌ڤتن ل سه‌ر هاتییه كرن و ڕه‌وانه‌ى جڤاتا نوونه‌ران بكه‌ت داكو ل ویرێ ژى بهێته په‌سه‌ندكرن، ژ ئه‌گه‌رێ بێ بودجه‌یی و مووچه‌یى زیانێن زێده‌تر نه‌گه‌هنه وه‌لاتییێن هه‌رێما كوردستانێ و چاره‌سه‌رییه‌كا بنه‌ره‌ت بۆ ڤى بابه‌تى بهێته دیتن.
