مەریوان قەرەنی: تەیف سامی باش دزانیت چەند سەد هزار شەریفێن بندیوار د لیستا فه‌رمانبه‌رێن عێراقێ دا هەنه‌

جێگرێ سەرۆكێ فراكسیۆنا پارتی دیموكراتی كوردستان ل جڤاتا نوونه‌رێن عێراقێ به‌حسێ وان سەدان هزار بندیواران دكه‌ت یێن كو د لیستا مووچەخۆرێن عێراقێ دا هەین و گۆت” وەزیرا داراییا عێراقێ دزانیت چەند سەد هزار مووچەخۆرێن بندیوار د لیستا مووچەیێ عێراقێ دا هەنه‌! بەلێ نا ئاخڤیت.

مەریوان قەرەنی، ل پێگه‌هێ خۆ ل تۆرا جڤاكییا (فەیسبووك) ی نڤێسینه‌ك به‌لاڤكرییه‌ و دیاركرییه‌: د چارچۆڤێ وان به‌هانه‌یێن ئێك لددوڤ ئێك یێن بۆ پاشخستنا هنارتنا مووچەیێ مووچەخۆرێن هەرێما كوردستانێ دا دئینیت” كو مخابنی ئامارنجا ژێ برسیكرنا گەلێ كوردستانێیه‌ و بزاڤه‌كە بۆ په‌یداكرنا دوبەرەكییێ دناڤا هەرێما مه‌ دا، هنده‌ك ژ میدیایان ژ زارێ تەیف سامی، وەزیرا داراییا عێراقێ به‌حسێ هندێ كرییه‌ كو وێ ناڤه‌ك دیتییه‌  ب ناڤێ (شەریف) و چەند مووچەیەك هەنه‌!“