خۆله‌كا ئاستێ C یا راهێنه‌رییێ ژلایێ ئێكه‌تییا فوتبۆلا ئاسیاڤه بۆ راهێنه‌رێن پارێزگه‌ها دهۆكێ هاته ڤه‌كرن، پشكدارێن ڤێ خۆلێ دێ بنه هه‌لگرێن باوه‌رنامه‌یا پله‌ى C یا ئاسیا، دووڤدا خۆلێن ئاستێن B و A ژى دێ بۆ هێنه ڤه‌كرن.
جه‌گه‌رخوین غلبیشى ڕاگه‌هاندكارێ خۆلێ بۆ ئاژانسا خانى دیاركر، 24 كه‌س دڤێ خۆلێدا دپشكدارن، كو ل ده‌ستپێكێ تاقیكرن ب 44 كه‌سان هاته كرن، پشكدار ل دووڤ هنده‌ك مه‌رجان هاتنه وه‌رگرتن، ل سالێن بوورى پشكدار ژلایێ ئێكه‌تییا فوتبۆلا پارێزگه‌ها دهۆكێڤه د هاتنه هه‌لبژارتن، لێ ئه‌ڤ ساله چه‌نده مه‌رجه‌ك بۆ پشكداریكرنێ هاتبوونه دانان.
زێده‌تر گوت، وانه‌یێن خۆلێ ژلایێ خسرو گۆران وانه‌بێژى ئێكه‌تییا فوتبۆلا ئاسیا و ب هه‌ماهه‌نگییا لژنه‌یا ئۆلپمییا دهۆكێ، ئێكه‌تییا ئاسیا ئێكه‌تییا عیراقێ ب شێوه‌یێ تێویرى و پراكتیكی، وانه دهێنه پێشكێشكرن خۆل ل 11 ڤێ هه‌یڤێ ده‌ستپێكرییه و دێ ل 25 هه‌یڤێ ب دووماهى هێت.
