خوان لاپۆرتا ژى دكه‌یسا نیگرێرایدا هاته‌ تومه‌تباركرن

دادگه‌ها ئسپانیا راگه‌هاند، سه‌رۆكێ نوكه‌ یێ یانه‌یا بارسێلۆنا خوان لاپۆرتا ژى د كه‌یسا هه‌تكبه‌رییا دادڤانییا ئسپانیادا هاته‌ تومه‌تباركرن.

ئه‌و دادوه‌رێ لێكۆلینێ ل سه‌ر ڤێ كه‌یسێ دكه‌ت دیاركر، لاپۆرتا هاته‌ تومه‌تباركرن، ژبه‌ركو ژ سالا 2003ێ هه‌تا 2010ێ سه‌رۆكێ یانه‌یێ بوو.

یانه‌یا بارسێلۆنا ب هندێ هاتییه‌ تومه‌تباركرن، كو ژ سالا 2001ێ هه‌تا 2018ێ زێده‌تر ژ 7.3 ملیۆن یۆرویان وه‌كو به‌رتیل داینه‌ جێگرێ به‌رێ یێ سه‌رۆكێ یێ لژنه‌یا دادڤانێن خۆلا ئسپانیا نیگرێراى.

بارسێلۆنایێ ئه‌و پاره‌ ب رێكا كۆمپانییا ( دانسێل 95 ) پێشكێشى دادڤانێ به‌رێ كرینه‌، كو ژ ئه‌گه‌رێ هندێ، دادڤانى جهێ خوه‌ وه‌كو كه‌سێ دووێ د لژنه‌یا دادڤانییا ئسپانیادا ژ ده‌ستدا.