تومه‌تباره‌كێ مه‌ترسیدار هاته‌ گرتن

رێڤه‌به‌رییا ئاسایشا هه‌ولێرێ ده‌سته‌سه‌ركرنا تومه‌تباره‌كى راگه‌هاند، كو خۆدان زێده‌تر ژ 10 كه‌نالێن تیلیگرامى بوو و ڤیدیۆیێن كرێت یێن زه‌لام و ژنان تێدا به‌لاڤدكرن.

ئاسایشا هه‌ولێرێ راگه‌هاند، تومه‌تبار ( ك، م، م ) ب فه‌رمانا دادوه‌رێ لێكۆلینا ئاسایشا هه‌ولێرێ ژلایێ هێزێن وانڤه‌ هاته‌ ده‌سته‌سه‌ركرن، ژبه‌ركو ژلایێ داخوازكاره‌كیڤه‌ سكالا ل سه‌ر هاتبوو تۆماركرن.

راگه‌هاند ژى، پشتى ئه‌نجامێن لێكۆلینێ ده‌ركه‌ڤت تومه‌تبار خۆدانێ زێده‌تر ژ ( 10 ) كه‌نالایه‌ ل تۆرا جڤاكییا تلیگرامى و ڤیدیویێن چه‌ندین ژن و زه‌لامان تێدا به‌لاڤدكرن و گه‌ف ل چه‌ندین كه‌سان ژى كرینه‌.

دووپات ژى كر، تومه‌تبار ل ده‌مێ ده‌سته‌سه‌ركرنێ ب ده‌هان ڤیدیویێن كه‌سێن دى دموبایلا ویدابوون.

ئاسایشا هه‌ولێرێ ناڤێن وان كه‌نالان ئاشكراكرن یێن تومه‌تبارى ل تلیگرامى بكاردئینان كو ئه‌ڤێن ل خوارێ بوون :

1 –  دادگاى / CTS خۆدانێ گرۆپى

2 – دادگاى / CTS خۆدانێ گرۆپى

3-  خه‌یالى دلان / خۆدانێ گرۆپى

4 – مانگى گه‌ردوون / خۆدانێ گرۆپى

5 – دادگاى له‌شفرۆشان / خۆدانێ گرۆپى

6 – مه‌له‌ف چییه‌كانى تلیگرام / ئه‌دمینی گرۆپى

7 –  دیوه‌خانى ساتۆر / ئه‌دمینێ گرۆپى

8 – لێت نابوورم / ئه‌دمینێ گرۆپى

9 – درۆ خۆشه‌ ها / ئه‌دمینێ گرۆپى

10 – كاستۆ گرۆپ /  ئه‌دمینێ گرۆپى