دەستەیا دەستپاكییا عێراقێ: چەند داخواز كری هه‌نه‌ 100 ملیار دینار دزینە

حەیدەر حەنوون، سەرۆكێ دەستەیا دەستپاكییا عێراقێ”  د كۆنگرەكێ رۆژنامەڤانی دا گۆت: “هەموو ئەوێن د دزییا سەدەیی دا هاتینه‌ داخواز كرن ژ 100 ملیار دیناران كێمتر نینن و هنده‌ك ژ داخواز كرییان ل ئوردن و توركیا نه‌، ژ بلی وەرگرتنا ئێك ژ داخواز كرییان ل سعودییە، د ده‌مێ دو هه‌یڤێن بهێت دێ كارێ دیتر بۆ وی بابه‌تی هێته‌ كرن.”

ناڤهاتی گۆت ژی: ئه‌م بزاڤان دكه‌ین فشاران بێخینە سەر هنده‌ك وه‌ڵاتان بۆ ڕادەستكرنا ئەوان كەسێن كو تۆمەتبارن ب گەندەلییێ، مه‌ داخوازی ژ ئەمریكا و بریتانیا و ئیماراتێ كرییه‌، تاوانباران ڕادەستی مه‌ بكەن.”

سەرۆكێ دەستەیا دەستپاكییێ گۆت ژی: بابه‌تێ دزینا باجێ كو ب دزییا سەدێ دهێته‌ نیاسین، مه‌زنترین بابه‌تێ گەندەلییێ تێكەلی خیانەت بوویە و ئەو كەسێن ده‌ستێن وان د دزینا باجێ دا هه‌ین، ژمارا وان ژ 48 کەسان ده‌باز نابیت.