وه‌زاره‌تا سامانێن سروشتى : رێژه‌یه‌كا دى یا به‌نزینێ دێ گه‌هیته‌‌ هه‌رێما كوردستانێ

وه‌زاره‌تا سامانێن سروشتییا حكومه‌تا هه‌رێما كوردستانێ راگه‌هاند، ب مه‌ره‌ما چاره‌سه‌ركرنا ئاریشه‌یا كێمییا به‌نزینێ، زێده‌تر ژ ئێك ملیۆن و 500 هزار لیترێن دى یێن به‌نزینێ دێ گه‌هنه‌ هه‌رێما كوردستانێ.

وه‌زاره‌تا سامانێن سروشتی دراگه‌هاندنه‌كێدا دیاركر، 540.000 لیترێن به‌نزینێ گه‌هشتنه‌ هه‌رێما كوردستانێ، بریاره‌ 1.512.000 لیترێن دى ژى بگه‌هن.

وه‌زاره‌تا سامانێن سروشتى راگه‌هاندبوو، د چارچووڤێ بزاڤێن وێدا بۆ چاره‌سه‌ركرنا ئاریشه‌یا كێمبوونا به‌نزینێ و نزمكرنا بهایێ وێ، 540.000 لیترێن به‌نزینێ گه‌هشتنه‌ هه‌رێما كوردستانێ و ل به‌نزینخانه‌یان ب 750 دیناران دهێته‌ به‌لاڤكرن.