حه‌لبووسى و پلاسخارت ل سه‌ر هه‌لبژارتنێن په‌رله‌مانێ كوردستانێ ئاخڤتن

سه‌رۆكێ جڤاتا نوونه‌رێن عیراقێ دگه‌ل نوونه‌را تایبه‌ت یا سكرتێرێ گشتییێ نه‌ته‌وه‌یێن ئێكگرتى به‌حسا بابه‌تێ هه‌لبژارتنێن جڤاتێن پارێزگه‌هێن عیراقێ و هه‌لبژارتنێن په‌رله‌مانێ كوردستانێ كر.

محه‌مه‌د حه‌لبووسى سه‌رۆكێ جڤاتا نوونه‌رێن عیراقێ دگه‌ل جێنین هێنیس پلاسخارت نوونه‌را تایبه‌ت یا سكرتێرێ گشتییێ نه‌ته‌وه‌یێن ئێكگرتى ل عیراقێ كۆمبوو، ل دووڤ راگه‌هاندنا نڤێسینگه‌ها جڤاتا نوونه‌ران، هه‌ردوو لایان دانوستاندن ل دۆر دووماهى پێشهاتێن سیاسییێن عیراقێ و چه‌ند بابه‌تێن دى كر.

هه‌روه‌سا نڤێسینگه‌ها سه‌رۆكێ جڤاتا نوونه‌ران ئاماژه‌ ب هندێ كر، د كۆمبوونێدا به‌حسا هه‌لبژارتنێن جڤاتێن پارێزگه‌هێن عیراقێ، هه‌لبژارتنێن په‌رله‌مانێ كوردستانێ و كارێ كۆمیسیۆنا بلندا هه‌لبژارتنێن عیراقێ كر.