رێڤه‌به‌رییا ئاڤا دهۆكێ: ئاڤ دێ ژ هژماره‌كا تاخێن دهۆكێ هێته‌ برین

رێڤه‌به‌رییا ئاڤا دهۆكێ راگه‌هاند، بۆ ماوێ دو رۆژێن دیتر ئاڤا حه‌فت تاخێن باژێرێ دهۆكێ ناهێته‌ به‌ردان” ژبه‌ر چێكرنا جادان، داخواز ژ وه‌لاتییان كرییه ئابوورییێ د ئاڤێ دا بكه‌ن.

هه‌روه‌سا گۆتییه‌، ژبه‌ر كارێ چێكرنا جادا 20 مترى ژ زركا هه‌تا ماسیكا ئێك، بۆرییا ڤه‌گوهاستنا ئاڤێ قه‌بارێ پێنج بوویه‌ ئاسته‌نگ و پێدڤى ب گوهۆینا رێكا وێ هه‌یه‌، به‌رى حه‌فتییه‌كێ ژى پارچه‌كا بۆرییێ هاتبوو بڕین و دوباره‌ دێ هێته‌ گرێدان.

رێڤه‌به‌رییا ئاڤێ دیاركرییه ژی‌، سوبه‌هی‌ 24-7 هه‌تا رۆژا چارشه‌مبی 26-7 ئاڤ دێ ژ تاخێن ماسیكا ئێك و دو، ماسیكا كادران، ماسیكا گوند، پاشا ستى، مالتا ئیسلام و شوقه‌یێن زه‌ریلاند هێته‌ برین، داخواز ژ وه‌لاتییان كر ئابوورییێ د ئاڤێ دا بكه‌ن.