رازیبوون ل سه‌ر خه‌رجكرنا ده‌رماله‌یان بۆ قوتابییێن هه‌موو زانكۆیان هاته‌ دان

سه‌رۆكێ زانكۆیا دهۆكێ راگه‌هاند، جڤاتا وه‌زیرێن هه‌رێما كوردستانێ رازیبوون ل سه‌ر خه‌رخكرنا ده‌رماله‌یان بۆ قوتابییێن هه‌موو زانكۆییێن كوردستانێ دا.

د. داود ئه‌ترووشى سه‌رۆكێ زانكۆیا دهۆكێ بۆ ئاژانسا خانى دیاركر، وان داخوازه‌ك بۆ خه‌رجكرنا ده‌رماله‌یێن قوتابییان گه‌هاندبوو جڤاتا وه‌زیران، ب خۆشحالیڤه‌ ئه‌ڤرۆ جڤاتا وه‌زیران رازیبوون ل سه‌ر خه‌رجكرنا ده‌رماله‌یان دان، دبیت ل حه‌فتییا بهێت ده‌ست ب به‌لاڤكرنا وان بهێته‌كرن.

زێده‌تر گوت : حكومه‌تا هه‌رێما كوردستانێ خه‌رجكرنا ده‌رماله‌یێن قوتابییان ب خه‌مه‌كا مه‌زنڤه‌ وه‌رگرتبوو، لێ ژبه‌ر ره‌وشا دارایى یا هه‌رێم تێدا دبووریت، دشیاندانه‌بوو ڤێ پێنگاڤێ پاڤێژیت، پشتى چه‌ندین بزاڤان ئه‌ڤرۆ جڤاتا وه‌زیران رازیبوون ل سه‌ر خه‌رجكرنێ دا.

ل زانكۆیا دهۆكێ 23 هزار قوتابى ده‌رماله‌یان وه‌ردگرن، سه‌رۆكێ زانكۆیا دهۆكێ گوت : ئه‌و پێدڤى ب حه‌فت ملیار دینارانه‌ داكو هه‌موو ده‌رماله‌یێن سالا چووى یا خواندنێ بده‌نه‌ قوتابیان.