وه‌زیرێ ده‌رڤه‌ یێ عێراقێ گه‌هشته‌ له‌نده‌ن

   

وه‌زیرێ ده‌رڤه‌یێ عێراقێ گه‌هشته‌ له‌نده‌ن و دێ ل گه‌ل به‌رپرسێن بلند یێن بریتانیا ده‌ر‌باره‌یی پێشخستنا په‌یوه‌ندییێن‌ سیاسی و ب هێزكرنا هه‌ماهه‌نگییا‌ ئابووری دناڤبه‌را هه‌ردو ئالییان د چارچۆڤێ به‌لگه‌نامه‌یێن ستراتیژی دناڤبه‌را به‌غدا و له‌نده‌ن دا گوتۆبێژ كه‌ن.

ئه‌ڤرۆ د. فوئاد حسێن وه‌زیرێ ده‌رڤه‌یێ عێراقێ گه‌هشته‌ له‌نده‌نا پایته‌ختێ ‌بریتانیا، ل دو رۆژێن بهێن دا لبه‌ره‌ ل گه‌ل هه‌ڤكیفێ خۆ جیمس كێرڤلی و هه‌روه‌سا هه‌ر ئێك ژ بین والاس وه‌زیرێ ده‌وله‌تێ بۆ كاروبارێن كۆچبه‌ران و رۆبێرت جێنرك وه‌زیرێ ده‌وله‌تێ بۆ كاروبارێن ئه‌منی و تۆم تۆكهندات وه‌زیرێ ناڤخۆیێ بریتانیا كۆم ببیت.