دەمێ ڤەگەڕیانا حەجییێن هەرێما کوردستانێ هاتە ڕاگەهاندن

پەیڤدارێ وەزارەتا ئەوقافێ ڕاگەهاند، پرۆسه‌یا حەجێ بۆ ئەڤ سالە گەلەک یا  قه‌ره‌باڵغ بوو و پله‌یێن گەرمێ ژی گەلەک د بلندبوون، گۆتژی:” تا 11 تەمموزێ گشت حەجییێن  هەرێما کوردستانێ دێ ڤەگەڕنە مالێن خۆ.”

نه‌به‌ز ئیسماعیل پەیڤدارێ وه‌زاره‌تا ئه‌وقاف و كاروبارێن ئایینی ڕاگەهاند، دەربارەی قەرەبالغ و گەرمەکا زێدە، تیمێن نوشداری دگەل حەجییێن هەرێما کوردستانێ بوون.

دەربارەی ڤەگەڕیانا حەجییان پەیڤدارێ وەزارەتا ئەوقافێ گۆت:” کاروانێ ئێکێ یێ حەجییان ب ڕێکا هشکاتی دێ سێی ئەڤێ هەیڤێ برێکەڤن و پێنجی تەمموزێ دێ گەهنە هەرێما کوردستانێ.”

هەر وەسا ئاماژەکر، ئەو حەجییێن ب ڕێکا ئاسمانی هاتین، دێ ل حەفتی هەیڤا تەمموزێ فرۆکەیا ئێکێ گەهیتە هەرێما کوردستانێ.

دیارکر ژی، تا 11 تەمموزێ گشت حەجییێن  هەرێما کوردستانێ دێ ڤەگەڕنە مالێن خۆ.