<h3 style="text-align: justify;"><span style="font-size: 18pt;">سه‌رۆكوه‌زیرێن عیراقێ ب رێكا نڤیساره‌كێ بریارا پێكئینىانا لژنه‌یه‌كا بلند بۆ لێكۆلینێ ل سه‌ر ده‌ست بسه‌رداگرتنێ ل زه‌ڤییێن جۆتیارێن پارێزگه‌ها كه‌ركووكێ دا، وه‌كو دنڤیسارێدا هاتى، دڤێت نوونه‌رایه‌تییا دامه‌زراوه‌یێن چاڤدێرى و بجهئینانێ د وێ لژنه‌یێدا بن.</span></h3> <h3 style="text-align: justify;"><span style="font-size: 18pt;">ل دووڤ نڤساره‌كێ كو ژلایێ فه‌ریق عه‌بدولكه‌ریم عه‌بدولحه‌سه‌ن وجر سكرتێرێ تایبه‌تێ فه‌رمانده‌یێ گشتییێ هێزێن چه‌كدارێن عیراقێڤه هاتییه ئیمزاكرن، محه‌مه‌د شیاع سوودانى فه‌رمانا پێكئینانا لژنه‌یه‌كا بلند بۆ چاره‌سه‌ركرنا ئاریشه‌یێن وان زه‌ڤییێن پارێزگه‌ها كه‌ركووكێ دایه یێن ده‌ست بسه‌ردا هاتییه گرتن و زیان ب جۆتیاران كه‌ڤتى.</span></h3> <h3 style="text-align: justify;"><span style="font-size: 18pt;">دنڤیسارێدا هاتییه، سه‌رۆكێ جڤاتا وه‌زیرێن عیراقێ بریار دایه لژنه‌یه‌كا بلند كو نوونه‌رایه‌تییا هه‌موو دامه‌زراوه‌یێن چاڤدێرى و بجهئینانێ تێدابن بۆ لێكۆلینێ ل ده‌ڤه‌رێ و ره‌وشا تاپۆیێ بهێته پێكئینان، دڤێت ئه‌نجامه‌كێ وه‌سا بده‌ستڤه‌بهێت كو ببیته جهێ رازیبوونا هه‌موو لایه‌نان.</span></h3>
