ڕێڤەبەریا پۆلیسێن پارێزگەها دهۆکێ: ئەرکێ مە دابینکرنا ئارامی و جێبەجێکرنا یاسایێ یە

ڕێڤەبەریا پۆلیسێن پارێزگەها دهۆکێ د ڕۆهنکرنەکێدا ڕاگەهاندیە، دەمێ هاتنە پێشا هەر رویدان و تاوانەکێ ئەم پاراستنا گیانێ وەلاتیێن خۆ و ئارامیا وەلاتی ل پێشیا هەر تشتەکی دبینین. 

دەقێ ڕۆهنکرنا ڕێڤەبەریا پۆلیسێن پارێزگەها دهۆکێ: 

کارێ مە وەکو ڕێڤەبەریا پۆلیسێن پارێزگەها دهۆکێ دابینکرنا ئارامی و جێبەجێکرنا یاسایێ یە دەمێ هاتنە پێشا هەر رویدان و تاوانەکێ ئەم پاراستنا گیانێ وەلاتیێن خۆ و ئارامیا وەلاتی ل پێشیا هەر تشتەکی دبینین.

ئەڤرۆ ڕێکەڤتی 12 خزیرانا 2023، هژمارەکا وەڵاتیان ل جادا بارزان سەنتەرێ باژێڕێ دهۆکێ راببوون ب ئەنجامدانا خۆ پێشاندانەکێ وەکو نەڕازیبوون، د ئەنجامێ خۆ پێشاندانا واندا، جاددا سەرەکی بۆ دەمەکی هاتە داخستن و چەندین جاران بۆ ئەگەرێ قەرەباڵغیێن زۆر و چەندین میدیاکار و سازیێن راگەهاندنێ بکارێ رومالکرنێ رادبوون، ژبەرکو خۆ پێشاندەر د دەستویر دای نەبووینە پۆلیس دنەچار بوون جاددێن سەرەکی ل وەلاتیان ڤەکەن و بۆ پاراستنا گیانێ وان چەند میدیا کارەک ژ خۆ پێشاندانێ دویرکرینە.

بو زانین هیچ زیان ب کەسێن میدیاکار و کەلو پەل و کامیرەیێن وان نەکەڤتی یە و ئەم پاراستنا گیانێ وان و هەمی وەلاتیان ب ئەرکێ خۆ دزانین.