جەگەر محەمەد
وەکی دیار پڕۆژەیاسایا بۆدجەی، خەمڵاندنا هەردوو لایەنێت داهات و خەرجیانە، بۆ ماوەیەکی دیارکری، کو دبیتە بەرنامەیێ حکومەتێ ژلایێ ئابۆری ڤە، و هەلبەت دوڕهێلێن سیاسی ژی لپشت خودهێلێت.
کێماسیێن تیما کوردستانی:
ژلایێ سیاسی ڤە:
نەبوونا ژینگەهەکا گونجایی، کو پارتێن سیاسی ممارسا وەزیفە و سیاسەتێ لێ بکەن ل کوردستانێ، وەکریە کو ب ئێک ڕەنگ و ئێک دەنگ نەچنە بەغدا، و بەغدا ببیتە جهێ تەسفیەکڕنا ئاریشە و ناکوکیێن وان، ژبلی وروژاندنا هەست و سوزێن جەماوەری.
ژلایێ بسپوریێ ڤە:
مخابنی ڤە، ئەندام پەرلەمانێت کورد، کێم نەبن، ئەگەر نە، دیرن ژ کارێن کارگێری و ئابۆری، و بتنێ ل زمانێ ئابۆری ژی ناگەهن، و ئەڤ چەندە یادیار بوو، ژ گۆتارا وان، کو ئەندام پەرلەمانێت هەمان فڕاکسیۆن، بۆچوونێت جودا دەربارەیی هەمان بڕگە و بابەتان هەبوون، تا ئاماژە ژ سەر وان دا نەدهاتن، گۆتارا وان رێک و پێک نەدبوو.
ژلایێ پەیوەندیان ڤە:
ئێک ژ کار و سیفەتێن ئەندام پەرلەمان، ئەوە کو دڤێت خودانێ پێگەها جەماوەری بیت، ل جادەیی و ل هۆڵا پەرلەمانی ڤە، ب مخابنی ڤە ئەندام پەرلەمانێت کورد، هەر ئێک نەشیایە بتنێ ئێک هەڤال ل فراکسیۆنێت عەرەبی هەبیت، کو لژێر کۆنترۆلا بەرژەوندیا کوردستانێ دابیت.
ژلایێ راگەهاندنا ڤە:
ڕاگەهاندنا کوردی، زێدەتر یاشیکاری و خەبەری بوو، دڤێت رۆلێ خویێ سەرەکی گێرابا، درستکرن و ئاراستەکڕنا رایا گشتی بۆ ئارمانجێن گشتی و هەڤبەش، زێدەباری، پێشکێشکرنا راوێژێ و راسپاردەیان بۆ تیما کوردی.
ڕولێ ئابۆریناسان:
مخابنی ڤە، هیچ هەماهەنگییەک نەبوو د ناڤبەرا شارەزایێن ئابۆری و ئەندامێن پەرلەمانی، بۆ داخازکڕن، و ڤەدیتنا وان بڕگەیان یێ کو زیان یان مفا بۆ کوردستانێ هەبیت ژلایێ دارایی ڤە.
ماستەر لـ زانستێن دارایی وبانک
