دیندار زێباری: حکومەتا هەرێما کوردستانێ د دۆسیەیا زارۆیێن داعشێ دا بێلایەنە

ئەڤرۆ چارشەمبی 7 ی خزیرانا 2023 ێ، دیندار زێباری، رێکخەرێ راسپاردێن نێڤدەولەتی ل حکومەتا هەرێما کوردستانێ راگەهاند، دۆسیەیا زارۆیێن داعشێ ئێکه‌ ژ دۆسیەیێن هەستیار و پێدڤی حکومەتا عێراقێ بڕیارێ ل سەر بده‌ت و حکومەتا هەرێمێ ل ڤێ دۆسیەیێ یا بێلایەنە.

دینداری زیێباری گۆت ژی، حکومەتا هەرێمێ ب هەموو شییانان پشته‌ڤانییێ ل راستڤه‌كرنا قانوونا توندوتیژییا خێزانی دكه‌ت و دڤێت ئه‌و راستڤه‌كرنه‌ زوو بهێته‌ بجهئینان.

ناڤهاتی گۆت ژی: ، ئەو لایەنێن رێگرییێ دكه‌ن ل راستڤه‌كرنا قانوونا توندوتیژییا خێزانی ئه‌و لایەنه‌ دیارن و بەردەوام ئاریشان ل هه‌مبه‌ر راستڤه‌كرنا وێ قانوونێ دروست دکەن.