بریارە ڤێ حەفتییێ پرۆژە قانوونا بودجێ عێراقێ بھێتە ئێکلا کرن

ئاژانسا خانی، تایبەت:

پشتی راگرتنا کارێن لیژنا دارایی لپەرلەمانێ عێراقێ بڕیارە ڤێ حەفتیێ پڕۆژە قانوونا بودجێ عێراقێ بھێتە ئێکلاکرن و رێکەفتن لسەر پشکا ھەرێما کوردستانێ بھێتەکرن.

ژێدەرەکی ژ فڕاکسیۆنا پارتی ل پەرلەمانێ عێراقێ  بۆ ئاژانسا خانی دیارکر” پشتی بڕیارا شاخەوان عەبدوللايى جێگرێ سەرۆکێ پەرلەمانێ عێراقێ بۆ راگرتنا کارێن لژنا دارایی بڕیارە ڤێ حەفتیيێ رێکكەفتن لدۆر وان مادێن گرێدایی ھەرێما کوردستانێ بھێتە کرن و ئەگەر بگەھنە رێکكەفتنێ ئەڤە دێ ئەو مادە ھێنە راستڤە کرن، ب تایبەتی ئەو بڕگەھێن پەیوەندی ب دەستھەلاتا ھەرێما کوردستانێ ڤە ھەیى.

وى ژێدەری گۆت ژی” دھێتە چاڤەڕێکرن ڤێ حەفتيیێ رێکكەفتن بھێتە کرن ل سەر پڕۆژە قانوونا بودجێ عێراقێ و ئەگەر گەھشتنە ئەنجامەکی ئەڤە دێ پەرلەمانێ عێراقێ دەنگی لسەر پڕۆژە قانوونا بودجەيی بدەت و بھێتە پەسەند کرن، پارتی ژی یا رژدە لسەر لابرنا گۆھۆڕینێن ھاتینە کرن و پێدڤیيە لدووڤ رێکكەفتنا بەرێ بودجە بھێتە پەسەند کرن.