د.جیهاد بێسفکی، ئەندامێ لژنا وزە و سامانێن سروشتی ل پەرلەمانێ کوردستانێ بۆ ئاژانسا خانی ڕاگەهاند، د چارچووڤێ سەرەدانێنبەردەوام یێن پەرلەمانێ کوردستانێ دا، شاندەکێ لژنا وزە و سامانێن سروشتی یێ پەرلەمانێ کوردستانێ سەرەدانەکا گرنگ بۆ وەلاتێئیتالیا ئەنجامدا و چەندین کۆمبوون ل سەر ئاستێ بلند دگەل بەرپرسێن وی وەلاتی کرن.
دیارکر ژی، د سەرەدانا خو دا شاندێ پەرلەمانێ کوردستانێ دگەل جڤاتا پیرێن سیناتا کۆمبوو و باس ل بابەتێ ئێمناهییا هەرێماکوردستانێ هاتە کرن و شاندێ پەرلەمانی ئاماژە ب مەترسییێن مانا تیرۆرستێن داعش ل دەڤەرێ کر و د بەرامبەردا جڤاتا پیرێن سیناتادوپاتی ل سەر هاریکارییێن بەردەوام و پشتەڤانییا هێزێن پێشمەرگەی کر.
دکتور جیهاد بێسفکی گۆت:”ژ لایەکێ دیڤە و د کۆمبوونەکا دگەل پەرلەمانێ وی وەلاتی دا، سەرۆکا لژنا بەرەڤانییێ ئامادەیا خۆ دیار کر بۆڕێخستنا ڕوونشتنەکا پەرلەمانێ وی وەلاتی ل دوور گۆتوبێژکرنا چەندین بابەتێن جودا جودا یێن گرێدای پرسێن هەرێما کوردستانێ.”
دیارکر ژی، د هەمان سەرەدانێ دا،”شاندێ پەرلەمانی دگەل وەزیرێ ژینگەها وەلاتێ ئیتالیا(جيلبرتو بيتشيتو) کۆمبوو و گۆتوبێژ ل سەربابەتێن گرێدای ژینگەهێ هاتنە کرن و وەزیرێ ژینگەها وەلاتێ ئیتالیا ژی پشتەڤانییا خۆ بۆ هەرێما کوردستانێ دیارکر و ئامادەیا خۆ بۆئەنجامدانا چەندین پڕۆژێن گرنگ ب بهایێن مەزن دیارکر.
