<h3 style="text-align: justify;"><span style="font-size: 18pt;">بانكا ناڤه‌ندییا عیراقێ راگه‌هاند، یه‌ده‌كێ زێر بۆ زێده‌تر ژ 132 ته‌نان بلندبوویه و جهێ وێ درێزبه‌ندییا بانكێن جیهانێدا هاته پاراستن كو ل رێزا 30 دهێت.</span></h3> <h3 style="text-align: justify;"><span style="font-size: 18pt;">بانكا ناڤه‌ندییا عیراقێ د راگه‌هاندنه‌كێدا ئاماژه ب هندێ دا، وێ 2.3 ته‌نێن دى یێن زێرى كرینه، كو رێژه‌یا زێده‌بوونێ 1.79%ێ یا سه‌رجه‌مێ یه‌ده‌كێ زێرییه.</span></h3> <h3 style="text-align: justify;"><span style="font-size: 18pt;">بانكا ناڤه‌ندى دیاركر، سه‌رجه‌مێ زێرێ یه‌ده‌ك یێ بانكێ گه‌هشته 132.74 ته‌نان و رێزا 30 د رێزبه‌ندییا جیهانێ یا یه‌ده‌كێ زێریدا پاراست، كرینا ئه‌وى زێرێ نوو ب مه‌ره‌ما زێده‌كرنا یه‌ده‌كێ زێرى بوو.</span></h3> <h3 style="text-align: justify;"><span style="font-size: 18pt;">ل دووڤ ئامارێن بانكا ناڤه‌ندی هه‌تا دووماهییا هه‌یڤا شووباتا بوورى یه‌ده‌كێ نه‌ختینه‌یێ دۆلارێ بانكێ 115 ملیار دۆلار بوون.</span></h3>
