رۆژناما تایمز ئۆف ئێندیا بەلاڤكریە، بەرپرسەكێ هندی ژبۆ دیتنا مۆبایلا خۆ كو كوڤتبوو دناڤا بەنداڤەكێ دا، ئەو بەنداڤ خالی كر.
رۆژنامێ ئاشكەراكریە، ناڤێ وی بەرپرسی ( راجیس فیشواس )ە و ل دەمێ وی ڤیای سێلفییەكی بۆ خۆ بگریت مۆبایلا وی كەڤتییە ناڤ بەنداڤا خەركتا ل ویلایەتا چاتیسگار یا وی وەلاتی.
وی بەرپرسی گۆتییە، بهایێ مۆبایلا وی 1200 دۆلارن و چەندین بەلگەنامێن حكومی یێن هەستییار تێدانە و ژبەر ڤێ چەندێ وی بریاردایە بەنداڤێ خالی بكەت.
ب فەرمانا وی بەرپرسی زێدەتری دوو ملیۆن لترێن ئاڤێ ژ وێ بەنداڤێ هاتنە بەردان كو شەش كیلۆمەترێن ئەردێ چاندنێ پێ دهاتنە ئاڤدان.
رۆژنامێ دیار ژی كریە، هەرچەندە ئەو شیان مۆبایلا وی ژ ئاڤێ بیننەدەر، لێ ژبەر مانا وێ د ئاڤێ دا بۆ دەمێ سێ رۆژان مۆبایل ژ كاركەڤتییە.
