<h3 style="text-align: justify;"><span style="font-size: 18pt;">گه‌نگه‌شه ل سه‌ر پاشه‌رۆژا هێرشبه‌رێ فره‌نسى كه‌ریم بنزیماى دگه‌ل یانه‌یا ریال مه‌درید یا ئسپانى یا به‌رده‌وامه، كو هه‌ڤبه‌ستا كه‌ریمى دگه‌ل یانه‌یا شاهانه هه‌تا دووماهییا ڤى وه‌رزییه.</span></h3> <h3 style="text-align: justify;"><span style="font-size: 18pt;">تۆرا ریلیڤۆ یا ئسپانى دیاركر، بریاربوو هه‌ڤبه‌ستا بنزیماى دگه‌ل ریال مه‌دریدێ پشتى برنا بالۆن دۆرێ ب شێوه‌یه‌كێ ئێكسه‌ر هاتبا نووكرن، لێ هه‌تا نوكه یانه‌یا وى ئه‌ڤ چه‌نده نه‌راگه‌هاندییه.</span></h3> <h3 style="text-align: justify;"><span style="font-size: 18pt;">تۆرا ناڤبرى ئاشكراكر، گومانه‌كا مه‌زن ل سه‌ر به‌رده‌وامبوونا بنزیماى دگه‌ل مێرینگى هه‌یه، یاریكه‌ر بخۆژى چاره‌نڤیسێ خوه نزانیت و هزرا ئوفه‌را سعوودییێ دكه‌ت، كو ئوفه‌ره‌ك ب 200 ملیۆن یورۆیان بۆ ماوێ دوو سالان گه‌هشتییه وى.</span></h3> <h3 style="text-align: justify;"><span style="font-size: 18pt;">هه‌مان ژێده‌ر ئاشكراكر، ئوفه‌را سعوودییێ گه‌له‌ك سه‌رنجا بنزیماى راكێشایه، ژبه‌ركو یێ نه‌چار نابیت باجه‌یێ بده‌ت، هه‌روه‌سا دێ مفایه‌كێ مه‌زن ژ وێنه‌گرتن و ریكلامان بینیت و هنده‌ك قوتابخانه‌ژى ب ناڤێ وى دێ هێنه ڤه‌كرن.</span></h3> <h3 style="text-align: justify;"><span style="font-size: 18pt;">ریلیڤۆ ئاماژه ب هندێ دا، ده‌سته‌یا راهێنه‌رییێ و رێڤه‌به‌رێن ریال مه‌دریدێ دنوكه‌دا گومان ل سه‌ر مانا بنزیماى دگه‌ل یانه‌یا شاهانه هه‌نه.</span></h3>
