ئەڤرۆ ئاهەنگێن هەڤژینییێ ل توركیا قەدەغەنە

لدووڤ ڕێنماییێن پرۆسا ئەنجامدانا هەلبژارتنێن توركیا، ئەڤرۆ چەند تشت ل توركیا و باكوورێ كوردستانێ قەدەغەنە.
ژ ڕێنماییێن د ئەڤرۆ دا هاتینە قەدەغەكرن؛
– هەتا دەمژمێر 6 ئێڤاری نابیت ئاهەنگێن هەڤژینییێ بهێنەكرن، پشتی دەمێ دیاركری وەلاتی دشێن ئاهەنگان ب گێڕن.
– لدووڤ دەمێ دیاركری یێ ئەنجامدانا هەلبژارتنان نابیت ڤەخوارنێن كحولی بهێنە فرۆتن، هەروەسا پێدان و ڤەخوارنێن كحولی ل جهێن گشتی قەدەغەیە.
– هەلگرتنا چەكی قەدەغەیە، ژبلی ئەو كەسێن بەرپرس د پاراستنا ئاسایش و سەقامگیریێدا.
– ڕادیۆ و هەمی جۆرێن ئۆرگانێن پەخشان هەتا دەمژمێر 6 ئێڤاری نابیت دەنگوباس و پێشبینی و تێبینیان ل سەر ئەنجامدانا هەلبژارتنان بەلاڤبكەن.