پەیڤدارێ کۆمسیۆنێ: د شه‌ش هه‌یڤان دا ئه‌م دشێین هه‌موو به‌رهه‌ڤییان بۆ پرۆسا هه‌لبژارتنان بكه‌ین

ئاژانسا خانی ” تایبەت:

پەیڤدارێ کۆمسیۆنا ھەلبژارتنێن ھەرێما کوردستانێ ئاشکرا کر، چار سالە کۆمسیۆن داخواز دکەت بەرھەڤی بۆ ھەلبژارتنان بھێنە کرن و دبێژیت، گڤاشتن ل سەر لایەنێن سیاسی هه‌نه‌ ھەلبژارتن بھێنە ئەنجامدان.

شێروان زرار، پەیڤدارێ کۆمسیۆنا ھەلبژارتنان بۆ ئاژانسا خانی دیار کر” ھەر ژ سالا 2019 ێ وەرە ھەتا نوکە کۆمسیۆنا سەربه‌خۆیا ھەلبژارتنان چار نڤیسار ئاراستەیی پەرلەمانێ کوردستانێ کرینه‌ ل دۆر ئه‌نجامدانا پرۆسا ھەلبژارتنان، مە داخواز کرییە قانوونا ھەلبژارتنان بھێتە راستڤە کرن و کۆمسیۆن بھێتە کاراکرن یان ژی کۆمیسیۆنەکا نوو بھێتە ھەلبژارتن، بەلێ ژبەر ئەنجامنەدانا رێکكەفتنێ دناڤبەرا پارتی و ئێکەتییێ دا پرۆسا ھەلبژارتنان گیرۆبوویە.

ناڤهاتی گۆت ژی” شەش هه‌یڤ پێدڤینە بۆ کۆمسیۆنا ھەلبژارتنان ھەتاكو بەرھەڤییان بۆ پرۆسا هه‌لبژارتنان بکەت،  گڤاشتێن زۆر یێن نێڤدەولەتی ھەنە ل سەر لایەنێن سیاسی بۆ ئەنجامدانا ھەلبژارتنان.