نابیت پارێزه‌رێن ژن جلۆبه‌رگێن ته‌نك و روون ل به‌ر خوه‌ بكه‌ن

سه‌ندیكا پارێزه‌رێن عیراقێ ل به‌ركرنا كابۆیان و جلۆبه‌رگێن ته‌نك و روون ل ده‌ڤ پارێزه‌رێن ژن قه‌ده‌غه‌كر.

ل دووڤ نڤیساره‌كا سه‌ندیكا پارێزه‌رێن عیراقی كو ئیمزایا ئه‌حلام لامى نه‌قیبا سه‌ندیكا پارێزه‌رێن عیراقێ ل سه‌ره‌ و گشتاندن بۆ هاتییه‌كرن، پدڤییه‌ پارێزه‌ر ل ده‌مێ د پیشه‌یا خوه‌دا كاردكه‌ت جلوبه‌رگێن ب رێكوپێك و گونجاى كو ژ هه‌ژى پیشه‌یا وى بن ل به‌ر خوه‌ بكه‌ن.

دنڤیسارێدا ده‌رباره‌ى پارێزه‌رێن ژن هاتییه‌، نابیت ئێدى جلێن ته‌نك و روون ل به‌ر خوه‌ بكه‌ن، ئه‌و پارێزه‌رێن ل دووڤ ڤێ بریارێ نه‌چن، دێ لێكۆلینێن قانوونى دگه‌لدا هێنه‌كرن و دڤێت ئه‌و جۆره‌ پارێزه‌ره‌ بكه‌ڤنه‌ ژێر چاڤدێرییا لق و ژوورێن پارێزه‌ران.

ئه‌و بریارا سه‌ندیكا پارێزه‌رێن عیراقێ هه‌موو لق و ژوورێن پارێزه‌ران ل ده‌ڤه‌رێن كوردستانى و باژێر و باژێركێن عیراقێ ب خۆڤه‌دگریت.