مەسرور بارزانی پێشوازی ل هاریكارا وەزیرێ دەرڤه‌ یێ ئەمریكا كر

مەسرور بارزانی ل ‌گەل باربارا لیف، هاریكارا وەزیرێ ده‌رڤه‌ یێ ئەمریكا بۆ كاروبارێن رۆژهه‌لاتا ناڤین و شاندێ ل گه‌ل دا كۆمبوو.  

ئەڤرۆ چارشەمبی 3 ی گولانا 2023، مەسرور بارزانى، سه‌رۆكێ حکومەتا هه‌رێما كوردستانێ، پێشوازى ل‌ باربارا لیف، هاریكارا وەزیرێ دەرڤه‌ یێ ئەمریكا بۆ كاروبارێن رۆژهەلاتا ناڤین و شانده‌كێ ل گه‌ل دا كر.

د وێ‌ كۆمبوونێ دا ئەلينا ڕۆمەناوسكى، باليۆزا ئه‌مريكا ل عێراقێ و ئیرڤن هیکس كونسولێ گشتيیێ ئه‌مريكا ل‌ هه‌رێما كوردستانێ ئامادە ببوون، دووماهی پێشهاتێن عێراقێ و پێشخستنا پەیوەندی یێن دۆستانە یێن دناڤبه‌را هەرێما کوردستانێ و ئەمریکا هاتنه‌ به‌حس كرن.

هه‌روه‌سا هەردو ئالی هه‌ڤرابوون ل سەر هندێ پێدڤییه‌ ب زووترین ده‌م ڕێککەفتنا دناڤبه‌را هەرێمێ و حکومەتا فیدرالی یا تایبەت ب نەفتێ بهێته‌ بجهئینان و هنارتنا نەفتا هەرێما کوردستانێ دەست پێبکه‌ت بۆ هندێ ئێدی وه‌لاتی یێن هەرێما کوردستانێ وعێراقێ ب گشتی زیانمەند نەبن.

سەرۆکێ حکومەتا هه‌رێمێ ته‌كه‌ز کر، پێدڤییە هەلبژارتنێن پەرلەمانێ کوردستانێ، ئەڤ ساله‌ ل ده‌مێ دیار كری دا بهێنه‌ كرن و بۆ وێ مه‌ره‌مێ ژی، ئامادەییا حکومەتا هەرێما کوردستانێ بۆ پێشکێشکرنا هەموو کارئاسانییان دەربری.