ناڤه‌ندا ڤه‌كۆلینان ل زانكۆیا كۆلۆرادۆ یا ئه‌مریكى بۆ په‌نجه‌شێرێ، رێكه‌كا نوو بۆ چاره‌سه‌ركرنا په‌نجه‌شێرا په‌نكریاسێ پێشنیاز دكه‌ت، كو رێگرییێ ل به‌لاڤبوونا خانه‌یێن په‌نجه‌شێرێ دكه‌ت و گه‌شه‌یا وان كێم دكه‌ت.
ڤه‌كۆله‌رێن ناڤه‌ندێ هه‌ردوو چاره‌سه‌رییێن تیشكێ و ب هێزكرنا جه‌سته‌ی بۆ خانه‌یێن ده‌ستكرد یێن تاقیگه‌هان بكارئینان، و مه‌ره‌م ژێ ب هێزكرنا به‌رگرییا جه‌سته‌ی دژى خانه‌یێن په‌نجه‌شێرێ و ژناڤبرنا وان ژلایێ چاره‌سه‌رییا تیشكێ ڤه بوو.
ڤه‌كۆلین ل كۆڤارا نوشدارییا خانه‌یێن په‌نجه‌شێرێ به‌لاڤبوویه، ل دووڤ پشكنینێن تاقیگه‌هێ دیار دبیت، هه‌ردوو جۆرێن چاره‌سه‌رییا تیشكى و ب هێزكرنا به‌رگرییا جه‌سته‌یى دشێن گه‌شه‌یا خانه‌یێن په‌نجه‌شێرا په‌نكریاسێ ب راوه‌ستینن، ب ڤێ چه‌ندێ ژى مه‌ترسییا ڤه‌گۆهاستنا په‌نجه‌شێرێ بۆ خوینێ، جگه‌ر و ئه‌ندامێن دى كێم دبیت.
د. سانا كه‌ریم، بسپۆرا تیشك و نه‌خۆشییێن په‌نجه‌شێرێ ل زانكۆیێ دبێژیت: بۆ جارا ئێكێ یه رێگرى ل به‌لاڤبوونا خانه‌یێن په‌نجه‌شێرا په‌نكریاسێ دهێته‌كرن، ئه‌و شیان گه‌شه‌كرنا وان خانه‌یان ب رێكا ب كارئینانا دوو جۆرێن چاره‌سه‌رییان ب راوه‌ستینن.
سانا كه‌ره‌مێ كو سه‌رپه‌رشتییا ڤه‌كۆلینێ كرییه دیاركر، ئه‌نجامان هیڤییه‌كا مه‌زن دا وان كه‌سان یێن تووشى ئه‌ڤێ نه‌خۆشییا كوژه‌ك بووین.
