<h2 style="text-align: justify;"><span style="font-size: 18pt;">كۆمسیۆنا بلندا سه‌ربه‌خۆیا هه‌لبژارتنێن عیراقێ، حكومه‌تێ ئاگه‌هدار دكه‌ت كو نه‌شێن درۆژا 6-11-2023 دا هه‌لبژارتنێن جڤاتێن پارێزگه‌هان ئه‌نجامبده‌ن، كو ل دویڤ یاسایا هه‌لبژارتنان هاتییه دیاركرن.</span></h2> <h2 style="text-align: justify;"><span style="font-size: 18pt;">د.هه‌یمان ته‌حسین رێڤه‌به‌رێ گشتى یێ فه‌رمانگه‌ها پارت و رێكخراوێن سیاسییا یا سه‌رب كۆمسیۆنا بلندا سه‌ربه‌خۆیا هه‌لبژارتنێن عیراقێ راگه‌هاند، كۆمسیۆنێ ب نڤیساره‌كا فه‌رمى جڤاتا وه‌زیرێن عیراقێ ئاگه‌هدار كرینه، ئه‌و نه‌شێن ل6-11-2023 هه‌لبژارتنێن جڤاتا پارێزگه‌هێن عیراقێ ئه‌نجامبده‌ن و پێشبینی كریه هه‌لبژارتنان ل 20 -12-2023 یا ئه‌ڤساله ئه‌نجام بده‌ن.</span></h2> <h2 style="text-align: justify;"><span style="font-size: 18pt;">ناڤبرى دیار ژى كر، ژبۆ ئاماده‌كاریێن هه‌لبژارتنان، كۆمسیۆن پێدڤى ب 10 هه‌یڤایه داكو گرێبه‌ستێ دگه‌ل كۆمپانیان بكه‌ن ژبۆ چاپكرنا كاغه‌زا ده‌نگدان، و راهێنانان ب فه‌رمانبه‌رێن كۆمسیۆنێ و توماركرنا ناڤێ پارت و هه‌ڤپه‌یمانیان بۆ وان هه‌لبژارتنان.</span></h2>
