سایته‌كێ جیهانی یێ تایبەت ب دارایی ڤه” رێزبەندییەک به‌لاڤكرییه” ده‌رباره‌یی ب ماوێ تاکێ هەر وه‌لاته‌كێ بۆ کۆمکرنا ملیۆن دۆلاران، لدووڤ وێ رێزبەندییێ هەر تاکه‌كێ عێراقی پێدڤی ب 154 سال و هه‌یڤه‌كێ هه‌یه هه‌تاكو بشێت ملیۆن دۆلاران کۆم بكه‌ت.
سایتێ (Picodi) یێ تایبەت ب دارایی ڤه” ماوێ تاکێ هەر وه‌لاته‌كێ بۆ کۆمکرنا ملیۆن دۆلاران خەملاندییە ب پشتبەستن ب تێکرایا مووچەیێ هه‌یڤانه یێن فه‌رمانبه‌رێن هەر وه‌لاته‌كێ.
د وێ رێزبەندییێ دا هاتییە، هەر تاکه‌كێ سویسری پێدڤی ب کێمترین ده‌می هه‌یه بۆ کۆمکرنا ملیۆن دۆلاران ب هه‌ڤبه‌ركرن ب تاکێ هەر وه‌لاته‌كێ دیتر، کو پێدڤی ب 14 سال و 3 هه‌یڤانە بۆ کۆمکرنا ملیۆن دۆلاران، پشتی سویسرا وه‌لاتێ سەنگافۆرە دهێت” كو تاكێ وی وه‌لاتی ب 16 سال و 11 هه‌یڤان ل پلەیا دووێ دهێت.
ل پلا سێیێ و چارێ یا وێ رێزبه‌ندییێ لۆکسمبۆرگ و ئەمریکا دهێن، کو هەر تاکه‌كێ لۆکسمبۆرگ پێدڤی ب 17 سال و 4 هه‌یڤان هه‌یه و هەر تاکه‌كێ ئەمریکی ژی پێدڤی ب 19 سال و 10 هه‌یڤان هه‌یه هه‌تاکو بشێت ملیۆن دۆلاران کۆم بکه‌ت.
ئەو پۆلینکرنە 102 وه‌لاتان ب خۆڤه دگریت، عێراق ل پلەیا 45 دایە، کو هەر تاکه‌كێ عێراقی پێدڤی ب 154 سال و هه‌یڤه‌كێ هەیە هه‌تاکو بشێت ملیۆن دۆلار کۆم بكه‌ت.
