پەرلەمانتارەکێ پارتی دبێژیت، ھەموو بزاڤ بۆ پاشخستنا ھەلبژارتنان دھێتە کرن و پارتی ب ھەموو داخوازی یێن لایەنێن سیاسی رازیبوویە” داكو ھەلبژارتن نەھێنە پاشخستن.
سەعید ھەرکی، ئەندامێ فراکسیۆنا پارتی ل پەرلەمانێ کوردستانێ بۆ ئاژانسا خانی دیار کر” ھەموو بزاڤ دھێنە کرن بۆ برێڤەنەچوونا پرۆسا ھەلبژارتنان د دەمێ خۆ یێ دیاری کری دا، ئەڤە د دەمەکی دایە كو ھەلبژارتن و دەنگدان مافەکێ قانوونییێ وەلاتییانە و نابیت بھێتە راگرتن،د نوكه دا چەندین ئاستەنگ ھاتینە چێکرن بۆ پاشخستنا پرۆسا ھەلبژارتنان ژ وان ژی بابه‌تێ راستڤەکرنا قانوونا ھەلبژارتنان و بابەتێ کۆرسی یێن پێكهاتان و کاراکرنا کۆمسیۆنا ھەلبژارتنان.
ناڤهاتی گۆت ژی” ئەنجامنەدانا ھەلبژارتنان ب تنێ د بەرژەوەندییا وان لایەنان دایه یێن ئاستەنگان چێدکەن بۆ پرۆسا ھەلبژارتنان، بەلێ پارتی ھەموو داخوازی یێن لایەنێن سیاسی رازیبوویە ب تنێ ب مەرەما برێڤەچوونا پرۆسا ھەلبژارتنان، ئاریشەکا سیاسی دناڤبەرا پارتی و ئێکەتییێ دا ھەیە و ئێکەتی حه‌ز ناكه‌ت ھەلبژارتن بھێنە ئەنجامدان، ب دیتنا من ئێکەتییێ ئاریشێن ناڤخۆیێ ھەنە و نه‌ڤێت ھەلبژارتن بھێنە ئەنجامدان.
