رێڤه‌به‌رێ گشتییێ باجێ ئاشكراكر، ئه‌و كۆمپانى و جهـ و باجده‌رێن فێل ل حكومه‌تێ كرین و خوه ژ باجه‌دانێ ڤه‌دزی، هاتنه سزادان.
وه‌زاره‌تا داراییا حكومه‌تا هه‌رێما كوردستانێ دراگه‌هاندنه‌كێدا به‌لاڤكر، ل دووڤ ئامارا رێڤه‌به‌رییا گشتییا باجێ ل وه‌زاره‌تا دارایى و ئابوورییا هه‌رێما كوردستانێ، د ماوێ چار سالاندا 11 هزار و 594 كۆمپانى و باجده‌ر ژبه‌ر فێلكرن و خۆ ڤه‌دزینێ ژ باجه‌دانێ هاتینه سزادان و رووبروو رێكارێن قانوونى بووینه.
د. كه‌مال ته‌یب رێڤه‌به‌رێ گشتییێ باجێ ل وه‌زاره‌تا دارایى و ئابوورى راگه‌هاند، ئه‌و كۆمپانى و جهـ و باجده‌رێن ل سالێن بوورى خوه ژ باجه‌دانێ ڤه‌دزین و دده‌مه‌كیدا یا ل سه‌ر وان پێدڤى بوو ل دووڤ قانوونێ باجێ بده‌نه حكومه‌تێ، هاتینه سزادان.
گوت ژى: ئه‌وێن جهـ و كه‌سێن داهاتێ وان یێ كێم و كار و پیشه‌یێ وان یێ سنۆردار نه‌هاتینه سزادان.
وه‌زاره‌تا دارایى ئاشكراكر، هه‌ر ل دووڤ ئاماران د وى ده‌میدا 747 جهـ هاتینه داخستن و 103 باجده‌ر ره‌وانه‌ى دادگه‌هێ هاتینه‌كرن، و ژبه‌ر سه‌خته‌كارى و سه‌رپێچییێن قانوونێ قه‌ده‌غه‌یا گه‌شتكرنێ ل سه‌ر 72 باجده‌ران هاتییه سه‌پاندن.
