ئاوات شێخ جەناب: چاڤەڕێینە وەکی بودجەیێ ئاریشەیا نەفتێ ژی بهێتە چارەسەرکرن

وەزیرێ دارایی و ئابووری یێ حکومەتا هەرێما کوردستانێ دوپاتی ل سەر بەردەوامیا بزاڤان بۆ چارەسەرکرنا پرسێن نەفتێ دگەل حکومەتا فیدڕال کر، د چوارچووڤێ ئەوێ ڕێککەفتنا ل سەر دیارکرنا پشکا هەرێما کوردستانێ ل سەر بودجەیا فیدڕال دا کری.

ئەڤرۆ دوو شەمبی 27 ئادارا 2023، ئاوات شێخ جەناب، وەزیرێ دارایی و ئابووری یێ حکومەتا هەرێما کوردستانێ د چوارچوڤێ پێشوازیکرن ل چۆ کیجۆنگ کونسۆلێ گشتی یێ کۆریا باشوور ل هەولێرێ، باس ل دوماهی گۆتوبێژێن دناڤبەرا هەولێر و بەغدا دا ل سەر پرسا نەفت و بودجەیێ کر.

ل گۆرەی ڕاگەهاندنەکا وەزارەتا دارایی و ئابووری، د دیدارێدا، ئاوات شێخ جەناب ئاماژە کریە، چاڤەرێ دکەن د چوارچووڤێ ئەوێ ڕێککەفتنا سیاسی یا کو پێشتر دناڤبەەرا لایەنێن دناڤ هەڤپەیمانییا دەولەتێ بۆ پێکئینانا حکومەتا عیراقێ هاتیە کرن، کو بوویە ئەگەرێ پەسەندکرنا پڕؤژە یاسایا بودجەیێ ل جڤاتا وەزیرێن عیراقێ و بنەجهکرنا پشکا هەرێما کوردستانێ، ئاریشەیا نەفتێ ژی ب هەما شێووە بهێتە چارەسەرکرن.