ماکرۆن دێ سه‌ره‌دانا چینێ كه‌ت

سه‌رۆكێ فره‌نسا دێ سه‌ره‌دانا چینێ كه‌ت، د وێ ‌سه‌ره‌دانێ دا دێ به‌حسێ شه‌رێ ئۆكرانییا كه‌ت و وی دڤێت چینێ رازی بكه‌ت، بۆ هندێ رووسییا گوتۆبێژان ل گه‌ل ئۆكرانییا بكه‌ت.

کۆچكا ئێلیزێ راگه‌هاند، ئیمانوێل ماکرۆن ل‌ 5 هه‌تا 8 ی هه‌یڤا نیسانێ دێ سه‌ره‌دانا چینێ كه‌ت، ‌وی دڤێت مفایی ژ وێ سه‌ره‌دانێ وه‌ربگریت بۆ ڤه‌گه‌راندنا ئاشتییێ بۆ ئۆكرانییا.

هه‌روه‌سا گۆتییه‌، ئیمانوێل ماكرۆن، سەرۆکێ فرەنسا و شی جین پینگ، سه‌رۆكێ چینێ، دێ دانوستاندنێن كوور دورباره‌یی شه‌رێ ئۆکرانییا ئەنجام دەن بۆ کارکرن و ڤه‌گەڕاندنا ئاشتییێ د چارچۆڤێ یاسایێن نێڤدەولەتی.