سه‌رۆك بارزانی سەرەخۆشی ل کەسۆکارێن محەمەد خالد بۆسەلی کر

په‌یاما سه‌رۆك بارزانی بۆ وه‌غه‌را دووماهییێ یا تێكۆشه‌رێ گه‌لێ مه‌ محەمەد خالد بۆسەلی

ب ناڤێ خودایێ مه‌زن و دلۆڤان

ب خه‌م و كۆڤانه‌كا مه‌زنڤه‌ خه‌به‌رێ وه‌غه‌را دوماهییێ یا تێکۆشەر و خەباتگێڕێ گەلێ مه‌ و پێشمه‌رگێ هه‌ردوو شۆڕه‌شێن ئەیلوول و گولانێ (محەمەد خالد بۆسەلی) گه‌هشته‌ من.

محەمەد خالد بۆسەلی قارەمانەکێ گەلێ کوردستانێ و نموونێ قوربانیدان و ماندینه‌ناسیێ بوو و پەیڤ‌ نه‌شێن وه‌سفا فیداکاریا ئەوی مرۆڤێ خۆڕاگر بکەن.

محەمەد خالد بۆسەلی بابێ شەهیده‌کێ قارەمان ژی بوو و هه‌می ژیانا خۆ د ناڤ ته‌نگاڤیا و ژ پێخه‌مه‌ت دۆزا ملله‌تێ خۆ ته‌رخانكر و ژ ده‌ست دانا وی خوساره‌ته‌كا مه‌زنه‌.

پرسە و سەرەخۆشیێن خۆ ئاراستەیی خێزان و خزم و کەسۆکارێن خودێ ژێ رازی و هەمی تێکۆشەرێن کوردستانێ و پێشمەرگێت قارەمان دکەم و خۆ ب هه‌ڤپشكێ خەما وان دزانم.

داخازا من ژ خودایێ مه‌زن ئه‌وه‌ ڕۆحا خودێ ژێ رازی محەمەد خالد بۆسەلی ب به‌هه‌شتا به‌رین شاد بكه‌ت و سه‌بر و هه‌دارێ بده‌ته‌ هه‌می لایه‌كێ.

انا للە و انا الیە راجعون

مسعود بارزانی

24ی ئادارا 2023