هەدەپە: مە چ بەربژار بۆ پۆستێ سەرۆککۆمارێ تورکیا نابن

هەڤپەیمانییا رەنج و ئازادی ب سەرۆکایەتییا پارتیا دیموکراتیا گەلان – هەدەپە، بڕیاردا چ کەسەکی بۆ پۆستێ سەرۆککۆمارێ تورکیا بەربژار نەکەن.

د کۆنگرەیەکێ ڕۆژنامەڤانیدا، ئەڤرۆ ڕۆژا چار شەمبی 22 ئادارا 2023، پەروین بوڵدان، هەڤسەرۆکا هەدەپێ بڕیار پارتا خۆ ڕاگەهاند، بەلێ دیار نە کریە کا دێ پشتەڤانییا کیژ بەربژاری کەن.

ل تورکیا ڕۆژا 18 ئادارا 2023، وەک ڕۆژا هەلبژارتنێن سەرۆکایەتی و پەرلەمانی و 19 ئادارێ ژی بۆ داخوازکرنێ بۆ بەربژارێ پۆستێ سەرۆککۆماری دەستپێکریە و ڕۆژا پێنجشەمبی 23 ئادارێ دێ ب دوماهی هێت.

دوو بەربژارێن سەرەکی بۆ پۆستێ سەرۆککۆماری ل تورکیا هەنە، ئێک ژ وان رەجەب تەیب ئەردۆگان، بەربژارێ هەڤپەیمانیا جمهوریە و یێ دی ژی کلچدار ئۆگلو، بەربژارێ هەڤپەیمانیا مللەتە.