گەنجەک ب غاردان ژ دێرەلۆکێ دێ دقەستا مەزارێ نەمران کەت

بیرهات سالم نهێلی ئێکە ژ وەرزشڤانێن دەڤەرا ئامێدیێ بۆ ئاژانسا خانی دیارکر، سوبەهی ل ڕۆژا سێشەمبی 14 ئادارا 2023 دێ ب غاردان قەستا مەزارێ نەمران ل بارزان کەت.

بیرهاتی گۆت : ل دەمژمێر چار و نیڤێ سپێدێ ئەو دێ ب رێکەڤیت و پەیوندی دگەل ساخلەمییا ئامێدیێ ژی کریە، ئەوانژی ئەمبولانسەک بەرهەڤکریە کو دگەل بچیت بۆ هەر روودانەکا نەخواستی.

ناڤهاتی گۆت:” هیڤیا من ئەوە ئەز ب سلامەتی بگەهمە مەزارێ نەمران.”

دیارکر ژی، دویراتییا بڕینا ڕێکێ دناڤبەرا دێرەلۆک بۆ بارزان 60 بۆ 70، کیلومەترانە، ب ڤی ڕەنگی بیرهات دێ بیتە ئێکەم  کەس ب غاردانێ ئەڤی مەودایێ کیلومەتران ببڕیت.

بیرهات سالم ئێک ژ وەرزشڤانێن دەڤەرا ئامێدیێ یە و چەندین جاران پشکداری د مەراسونێن نافخوە و دەرڤە دا کریە.