پەرلەمانێ کوردستانێ دێ قانوونا ھەلبژارتنان پەسەند کەت

ئاژانسا خانی ” تایبەت:

بڕیارە ل چەند رۆژێن بهێت دا پەرلەمانێ کوردستانێ کۆمبوونەکا تایبەت لدۆر راستڤەکرنا قانوونا ھەلبژارتنان ئەنجام بدەت و تێدا قانوونا ھەلبژارتنان دێ ھێتە راستڤەکرن و کۆمسیۆنا سەربه‌خۆیا ھەلبژارتنان ژی دێ ھێتە کارا کرن.

ژێدەرەکێ تایبەت” بۆ ئاژانسا خانی گۆت” بڕیار بوو کۆمبوونا تایبەت ب راستڤەکرنا قانوونا ھەلبژارتنان بەری کۆمبوونا دادگەھا بلندا فیدڕالی بھێتە ئەنجامدان، ژبەر وێ سکالایا ل دادگەھا فیدڕال ل سەر پەرلەمانی ھاتییە تۆمار کرن لدۆر درێژکرنا ژییێ پەرلەمانی، بەلێ دیار نینە دێ کۆمبوونا پەرلەمانی بەری کۆمبوونا دادگەھا فیدڕال بیت یان ژی پشتی کۆمبوونێ.

وی ژێدەری ئاشکرا کر ژی”  ئەگەر دووماھییا ڤێ حەفتییێ قانوونا ھەلبژارتنان نەھێتە پەسەند کرن، ل دەستپێکا حەفتییا بهێت دێ پەرلەمانێ کوردستانێ کۆم بیت و دێ قانوونا ھەلبژارتنان پەسەند کەت و دێ کۆمسیۆنا سەربه‌خۆیا ھەلبژارتنان ھێتە کارا کرن و ھەلبژارتن ئەڤ سالە دا دێ ھێنە كرن.