<h3 style="text-align: justify;"><span style="font-size: 18pt;">سه‌رۆكایه‌تییا په‌رله‌مانێ كوردستانێ راگه‌هاند، ئه‌و پابه‌ندن ب بجهئینانا قانوونا به‌رده‌وامییا خۆلا پێنجێ یا په‌رله‌مانێ كوردستانێ ژماره ( 12 ) یا سالا 2022ێ و زه‌مینه‌سازییا سیاسى بۆ كرنا هه‌لبژارتنێن خۆلا شه‌شێ یا په‌رله‌مانێ كوردستانێ ل ده‌مێ دیاركرى.</span></h3> <h3 style="text-align: justify;"><span style="font-size: 18pt;">دراگه‌هادنێدا هاتییه، سه‌رۆكایه‌تییا په‌رله‌مانێ كوردستانێ زێده‌بارى پشته‌ڤانییا تمام ل ره‌وتا دانوستاندنێن فراكسیۆن و لایه‌نێن سیاسى، پێشوازییێ ل پێشڤه‌برنا رێكارێن ته‌كنیكى یێن ئاماده‌كرنا پرۆژه‌یێ هه‌ڤپشك بۆ هه‌موارا قانوونا هه‌لبژارتنان دكه‌ت.</span></h3> <h3 style="text-align: justify;"><span style="font-size: 18pt;">سه‌رۆكایه‌تییا په‌رله‌مانى راگه‌هاند ژى، ل سه‌ر ئاستێ زه‌مینه سازییا قانوونێ، هه‌موو ئه‌و پێشنیازێن قانوونى كو پێشتر ژلایێ فراكسیۆنانڤه هاتبوونه پێشكێشكرن، ئاراسته‌یى لژنه‌یا قانوونى یا په‌رله‌مانى هاتینه‌كرن بۆ ده‌ستپێكرنا پێنگاڤێن كردارى یێن قانوونى و درووستكرنا سازانا نیشتیمانى دناڤبه‌را فراكسیۆنێن په‌رله‌مانێ كوردستانێدا، و دوى بیاڤیدا په‌رله‌مانێ كوردستانێ دێ ل رۆژا چارشه‌مبى 15 ئادارا 2023ێ كۆمبوونه‌كا قانوونى بۆ پێكئینانا لژنه‌یه‌كا تایبه‌ت ب كاراكرنا كۆمسیۆنێ كه‌ت.</span></h3> <h3 style="text-align: justify;"><span style="font-size: 18pt;">سه‌رۆكایه‌تییا په‌رله‌مانى داخوازێ ژ هه‌موو لایه‌ن و فراكسیۆنان دكه‌ت له‌زێ بكه‌ن و بگه‌هنه لێكتێگه‌هشتنه‌كا هه‌ڤپشك ژ پێخه‌مه‌ت بله‌زتركرنا ئاماده‌كارییێن ب رێڤه‌برنا هه‌لبژارتنان د ئه‌ڤساله‌دا.</span></h3>
