شه‌ر و پێكدادان دناڤبه‌را ئیران و ئه‌ڤغانستانێدا روودا

شه‌ر و پێكدانان دناڤبه‌را هێزێن پاراستنا سنۆرى یێن ئیرانێ و له‌شكه‌رێ تالیبانا ئه‌ڤغانستانێدا ل سه‌ر سنۆرێ نیمرووز روودا و هه‌ردوو لایان چه‌كێ گران بكارئینا.

ل دووڤ رۆژنامه‌یا هه‌شتى سوبحى یا ئه‌ڤغانستانى، پشتى نیڤرۆ یا ئه‌ڤرۆ ل ده‌مژمێر 14:00 ب ده‌مێ ئیرانێ، شه‌ر و پێكدادانه‌كا دژوار دناڤبه‌را هێزێن سه‌ر سنوورى یێن ئیران و ئه‌ڤغانستانێدا ل سه‌ر سنۆرێ نیمرووز روودا، و هێزێن ئیرانێ مووشه‌ك ئاراسته‌یى باره‌گایێن ئێمناهییێ یێن تالیبانێ ل باژێركێ زرنجى یێ سه‌ر ب ده‌ڤه‌را نیمرووز ل سه‌ر سنۆرى كرن، و هه‌ردوو لایان چه‌كێن گران و سڤك ب دژى ئێك بكارئینان.

ئاژانسه‌كا فارسى یا سه‌ر ب له‌شكه‌رێ پاسداران ژى دووپاتكر، شه‌ر و پێكدادان ل سنۆرێ نیمرووز دناڤبه‌را ئیران و تالیباندا روودا، لێ چ زیانێن مادى و گیانى به‌رنه‌كه‌ڤتینه‌.

هه‌تا نوكه‌ چ لایه‌نان ئه‌گه‌رێن پێكدادانێ ئاشكرانه‌كرینه‌ و میدیا یا سه‌ر ب له‌شكه‌رێ پاسدارانڤه‌ دبێژیت: حكومه‌تا ئیرانێ مژوولى لێكۆلینێ ل دۆر ئه‌گه‌رێن وێ پێكدادانێیه‌.